نقترح عليكم أعزائي المساهمة و الإنظمام الينا في هذا المنتدى الخاص بنا نحن العرب لنعالج فيه المواضيع التي تهمنا.


    أول أيام شهر رمضان المعظم

    شاطر
    avatar
    nissa-admin
    Admin



















    عدد المساهمات : 196
    تاريخ التسجيل : 06/12/2010
    العمر : 22
    الموقع : الجزائر الحبيبة أرض الشهداء

    أول أيام شهر رمضان المعظم

    مُساهمة  nissa-admin في الجمعة أغسطس 05, 2011 4:50 pm


    بمناسبة عودة شهر رمضان الكريم شهر التوبة و الغفران سأطرح عليكم أشهر الأطباق و الأكلات الجزائرية المخصصة لهذا الشهر العظيم و لمدة 30 يوما حتى أنزع الحيرة عن ربات البيوت اللواتي يحترن في يوم من أيام رمضان لذا أتمنى أن تستفدن من هذه القائمة المعدة خصيصا لكم و لمساعدتكم


    اليوم الأول

    القائمة:

    - شربة فريك
    - طاجين الزيتون
    - لحم لحلو
    - خبز مطلوع
    - بوراك
    - قلب اللوز

    1 – شربة فريك :

    - لوازم الطبق :

    * ملعقتين زيت نباتي
    * 2 حبات بصل مفروم
    * نصف رطل فريك
    * 4 ملاعق طماطم مصبرة
    * 6 حبات طماطم مرحية
    * لحم خروف
    * ملعقة كبيرة ملح
    * ملعقة صغيرة فلفل أحمر
    * ربطة حشيش شربة (قسبرة)
    * لتر ماء ساخن
    * كأس حمص

    - طريقة التحضير :

    ديري 2 مغارف تاع الزيت في قدرة و زيديلهم البصل المفروم و اللحم و الملح و الفلفل الأحمر و الطماطم المرحية و حشيش شربة مفروم (خلي شوية باش تديريه من الفوق للتزيين عند الإنتهاء)
    كي يتقلاو و يذبل البصل مرقيها بالماء الساخن و ارميلها كأس حمص، و خليه حتى يغلي أمبعد زيديلو الفريك و لازم يكون مغسول مليح و عاودي أغلقي عليه و خليه يزيد يغلي و في الأخير ذوبي الطماطم المصبرة في شوية تاع الماء و خلطيها للشربة ديالك و شوفي اللون الا عجبك هكاك خير سينون زيديلو الطوماطيش حتى يعجبك اللون خليها تغلى الغلية الأغيرة أمبعد طفيلها ، زينيها بشوية تاع الحشيش و النعناع المفروم و بالصحة و الهناء

    - إليكم شكلها النهائي:



    2 – طاجين الزيتون:

    - اللوازم :

    * زيتون أخضر من دون نواة منزوع الملوحة (عن طريق الغلي أو الغسل مرات عديدة حتى يفقد ملوحته)
    * 6 قطع لحم أو دجاج
    * بصلة مفرومة
    * ملعقة كبيرة ملح
    * ملعقتين زيت نباتي
    * جزر مقطع على شكل دوائر
    * ماء للتمريق

    - طريقة التحضير :

    نضع في طاجين أو في طنيجرة الزيت و البصل و الملح و قطع اللحم ولا الدجاج و نقليها على نار هادية حتى يذبل البصل ،نمرقوها بالماء حتى نغطيو قطع اللحم أو الدجاج ، نغطيوها و نخليوها تغلي ، كي يطيب اللحم نرميولها الزرودية (الجزر) و الزيتون و نرجع نغطيها و نتركها حتى تطيب الزرودية و الزيتون و نطفيولها و نزينوها حسب الذوق بالمعدنوس و القارص (الليمون) بالهناء و الشفاء

    -إليكم شكله النهائي:



    3 – لحم لحلو :

    - المكونات :

    * قطع لحم الخروف
    * الزبيب (عنب مجفف)
    * العينة (برقوق مجفف)
    * مشمش مجفف
    * تفاح أو إجاص مقطع إلى شرائح
    * سكر
    * كأس ماء الزهر
    * كاوكاو (الفول السوداني)
    * اللوز و الجوز
    * ملعقة كبيرة سمن نباتي
    * ملعقة صغيرة قرفة

    - كيفية الإعداد :

    ضعي قطع اللحم في إناء و غطيها بالماء و زيديلهم القرفة و السمن و شوية سكر و حطيهم على نار هادية لمدة لا تتجاوز 30 دقيقة و أضيفي عليها السكر من حين لآخر ثم أرميلها العينة و الزبيب و المشمش المغسول جيدا و التفاح و غلي الكل لمدة 20 دقيقة حتى تولي المرقة تقيلة و في الأخير أضيفي ماء الزهر و زيدي غليهم مرتين أو ثلاثة ثم طفيلهم و زينيهم بالمكسرات اللوز و الجوز و الكاو كاو و شهية طيبة

    إليكم الشكل النهائي :



    4 – خبز المطلوع :

    - المكونات :

    * زوج كيلات فرينة
    * زوج مغارف صغار خميرة تاع الخبز
    * مغيرفة صغيرة تاع الملح
    * مغيرفة صغيرة سكر
    * شوية سانوج
    * ماء سخون (باش تطمي بيه)

    - للتحضير :

    في اناء ولا قصعة نديرو الفرينة و الملح و السانوج و نخلطوهم
    و في كاس نديرو الخميرة و السكر و شوية ماء دافي (ماشي سخون بزاف باش ماتتخربش الخميرة) و نخليوها تخمر حوالي 5 دقائق
    نرجعو للإناء تاعنا لي فيه الفرينة و نزيدولو الخميرة لي تكون خمرت و طلعت و نعجنوها شوية و نزيدولها الماء إلا خصها ،أمبعد نخليوها تريح شوية قيس 10 دقايق هكاك ، أمبعد نعاودو نولو ليها و نزيدو نعجنوها و ندخلولها الهواء باش تنتفخ و نجريوها بشوية ماء (ماشي بزاف باش نقدرو نرفدوها منبعد) و نخلوها تخمر مليح و نغطيوها
    بعدما تخمر نجيبو قماش و نفرشوه فوق الطابلة و نرشو عليه السميد المتوسط (ماشي الخشين) نقرصو العجينة و نحكمو كل قرص وحدو نرمدوه في صحن تاع السميد امبعد نحطوه فوق القماش المرشوش بالسميد ، و نعاودو بنفس الطريقة مع قاع الأقراص لخرين كي نكملو نخليوهم يريحو شوية ،امبعد نفتحوهم بيدينا مليح و بشكل دائري (ماشي مستطيل) و نغطيوهم بقطعة قماش أخرى و نخليوهم يريحو واحد ال10 دقايق هكاك
    كي يخلاصو ال10 دقايق يكون الخبز تخمر مليح نديرو الطاجين فوق الطابونة و نخليوه يسخن مليح أمبعد نحطو فوقو الخبزة و نتقبوها بصبعنا فالوسط نخليوه حتى يتحمر الوجه السفلي و نقلبوها و كي يزيد الوجه الأخر يتحمر نحيوها و ننفضو الطاجين من السميد باش نديرو الدوزيام سينون يتحرق هاداك السميد و نطيبو الثانية بنفس الطريقة حتى نكملو و نقدموه سخون

    - و هادا هو الشكل الجميل و النهائي لخبز المطلوع :



    5- البوراك :

    - المقادير :

    * 250 غرام من اللحم المفروم (لا فيوند أشي)
    * 06 ورقات تاع الديول
    * شوية معدنوس
    * مغيرفة ملح
    * بصل مفروم
    * فرماج أو جبن (إختياري)

    - الطريقة :

    ديري البصل المفروف في مقلة و زيديلو اللحم و المعدنوس و الملح و قليهم شوية
    جيبي ورقة تاع ديول أطويها على زوج أدهنيلها الفرماج و ديريلها الحشوة المحضرة سايقا تاع اللحم المرحي على شكل أنبوب طويل أطوي الطرفين أمبعد لفيها حتى تصبح على شكل حبة بوراك كرري نفس العملية مع ال5 أوراق لي بقاو كي تكملي ديري الزيت فالمقلة و شعليلو النار يسخن أو كي يسخن حطيلو البوراك وأقليه حتى يولي لونو أحمر و زيني الطبق ديالك بالمعدنوس و القارص و قدميه لعائلتك سخون

    - هاو ليك كيفاش يجي :



    6- قلب اللوز :

    طريقة تحضير قلب اللوز موجودة في هذا المنتدى (منتدى الثقافة الجزائرية) فلا داعي للإعادة و لكن هادا هو الشكل اللنهائي تاع القلب اللوز لي رمضان بلا بيه ماهو رمضان :



    _________________
    تحيا الجزائر ارض الابطال والشهداء

    الي يحب السماء يدير جنحين والي يحب الارض يدير رجلين والي يحب يطلع للمونديال مايلعبش مع الجزائريين

    الدنيا و الدين علينا شاهدين و الجزائر حرروها المجاهدين
    دمنا عربي احنا ماشي مخلطين تاريخنا واضح و احنا بيه مفتخرين





      الوقت/التاريخ الآن هو الأحد أكتوبر 21, 2018 10:42 pm